Monday, February 6, 2012

إبراهيم عبد الجواد ينفي وقفه عن العمل وتحويله للتحقيق

إبراهيم عبد الجواد ينفي وقفه عن العمل وتحويله للتحقيق
الاثنين 06 فبراير 2012 12:37 مساءً  كتبَ / احمد عباس
صرح إبراهيم عبد الجواد مذيع التليفزيون المصري بإن الاخبار اللي انتشرت حوالين إن تم وقفه والتحقيق معاه بسبب اتهامه للمسئولين علي البلد بإنهم سبب كل اللي بيحصل فيها، وقال إبراهيم إنه متمش إيقافه او تحويله للتحقيق وإنه مستمر في عمله في التليفزيون المصري.

وكان ابراهيم من كام يوم وهو بيقدم فقرته في صباح الخير يا مصر علي شاشة التليفزيون المصري مقدرش يمسك اعصابه بسبب الأحداث اللي بتحصل، وطلب من الناس إنها متقولش علي المعتصمين قدام ماسبيرو إنهم بلطجية أو قلة مندسة، لإنهم مصريين عانوا من نظام سابق بوظ تعليمهم وصحتهم وثقافتهم. وقال ازاي المسئولين في البلد مش قادرين يحددوا أو يمسكوا الأطراف الخفية اللي بيتكلموا عنها رغم إن تحت إيديهم السلطة المطلقة، ووافقه في كلامه ضيفه الناقد الرياضي " عصام الحسن " اللي أكد علي كلام المذيع وأيده وطلب من المسئولين إنهم يحلوا المشكلة بشكل جديد مش زي كل مرة.

No comments:

Post a Comment